“يمكن إنه الظرف اللي نشيله حزب الله كله، هيدا ما عادش وارد. هيدا كنا بالـ 85 نفكر فيه، بالـ 84 نفكر فيه، بالـ 82 كان وارد، بالـ 88 وارد… بأي سنة بدكن، بس هلا ما عاد وارد.
مش ما عاد وارد إنه… نحن صرنا جيل، صرنا أجيال، صرنا مجتمع، هي لازم تنتبهوا لها. الواحد لما يتطلع بمظاهرة لنفترض بتضم آلاف، هول من وين جايين؟ طيب نحن بالـ 82 وين كنا؟ وين يدرسوا ولادنا؟ إذا كان إلنا ولاد بالـ 82، بس نحن وين درسنا؟
نحن هلق عنا أجيال عم تتربى بمدارسنا، أجيال. مش بس هيك، عم بيجو الناس يقعدوا عندنا، عنا مدارس ما كانت موجودة. شهداؤنا هلق عنا عوائل من الشهداء، هؤلاء ذخيرة مهمة داخل مجتمع طويل عريض. عنا جو مهم على مستوى افترض مؤسساتنا أو على مستوى وجودنا. المقاومة حالة عملت لنا وجود موجود، مش إنه حتى إذا المقاومة لا سمح الله بتوقف.
نحن منربط مصيرنا بالمقاومة، إنه والله بكرة مقاومة توقف، حزب الله يفل… وين حزب الله؟ ما بده يفل. وين نحن ممكن إنه مثلاً بدنا نفل؟ أو وين ممكن مثلاً هيدا الوجود إنه ينزاح؟ هيدا وجود صار له جذور مهمة وعميقة داخل هذا المجتمع، ما بيقدروا ينهوه. هلق قولي بالمرحلة شو ممكن تكون طبيعة وجودك، شو ممكن يكون، لكن هيدا الوجود موجود.
بعض الأساليب اللي عم ننتهجها نحن بعملنا ممكن إنه نغيرها أو نخفف منها، لكن كوجود هيدا صار محتوم. ونحن مطلوب منا مواكبة هيدا الوجود. ما عاد في شي اسمه ‘الحالة الإسلامية’، نحن مش حالة إسلامية. حالة بتتغير، بتتبدل، بتروح وبتيجي، نحن وجود إسلامي موجود صار له ارتباط وجذور عميقة ما عاد يقدر حدا يشيله.
صار الكل هلق لما بيجي بيحط بعين الاعتبار حزب الله، هدفنا الأساسي هو المحافظة على هيدا الوجود، هيدا أحد أهدافنا.”
[For some reason, some of the formatting is not correct here, for example, the full stop at the end of the paragraph is on the right hand side, instead of on the left. I do not know how to get this right in this environment, in MS Word, it would not be a problem.]